Accueil | Contacts SAT-Amikaro chez wikipedia SAT-Amikaro chez Ipernity SAT-Amikaro chez Facebook SAT-Amikaro chez Facebook fil rss

Babilrondo

(2018/2019)

Datoj Temoj proponitaj
5/10/2018 Kion ni manĝas ? (kaj trinkas)
12/10/2018 Sportoj, sportumi
19/10/2018 Kiel partopreni al la festo de la asocioj, prelegi en bibliotekoj, en lernejoj, ktp ?
26/10/2018 Laikeco
2/11/2018 La lupo, la urso kaj la azia krabro
9/11/2018 Tria ejo (nova koncepto - ekster la laborejo kaj la hejmo)
16/11/2018 Interretaj babilrondoj (prezentado)
23/11/2018 Demokratioj, kie, kiam, kiel ?
30/11/2018 Anarkiismo (prelego)
7/12/2018 Por la elektronika cigaredo (prelego de Robert Molimard)
14/12/2018 La arto ĉiam pravi (prelego)
21/12/2018 Kiuj estas la kialoj de la militoj ?
4/1/2019 Kio okazis en 2018 ? Kiu estas la persono de la jaro ? — Cetere de tiu temo ni parolos kun Japano.
11/1/2019 La Belulino kaj la besto, kaj kiel tiu filmo de J. Cocteau rilatas al la revo Esperantisma.
18/1/2019 Flav-veŝtuloj : kiuj ili estas ? kion ili (ne) sukcesis fari ? kia estonteco ? ĉu flavo reale estas mikso de ruĝo kun verdo ?
25/1/2019 La labortempo : Bertrand Russell, pacifisto kaj matematikisto, kalkulis en 1932 ke 4 horoj da ĉiutaga laboro ekzakte sufiĉas... Bonvolu diri por kio kaj kiu vi laboras ? por emeritiĝi ?
1/2/2019 Mondcivitanoj : François Lo Jacomo prelegos pri la pacifisma movado kaj pri ĝia fondinto Garry Davis, ni interparolos pri ĝia aktualeco, ĝia kvazaŭ sennacieco, kaj kiel mem mondcivitaniĝi !
8/2/2019 Alĥemio : ni serĉu la ŝtonon de la saĝuloj ! ni kreu oron el fekaĵo ! ĉu mistiko ? aŭ mistifiko ? ĉu Esperanto estas la lingvo de la birdoj ?
15/2/2019 Artifika inteligento aŭ artefarita intelekto ? aŭ pura stulteco ? ĉu mistiko ? aŭ mistifiko ? ĉu Esperanto estas ties lingvo ?
22/2/2019 La Homo, konscia ero de Dio-Naturo : Robert Molimard prezentos sian tutfreŝan verkon (L’Harmattan). http://www.tabac-humain.com/esperanto/
1/3/2019 Hori Jasuo : Robert Molimard klarigos al ni la agadojn de Hori Jasuo, Esperanto-sumoo, ktp.
8/3/2019 Cerbatano : ludo, sporto, armilo ? (prelego).
15/3/2019 Granda Nacia Debato : ĉu vi partoprenis ?
22/3/2019 Europe Démocratie Espéranto (prelego). — Retejo de EDE :http://www.e-d-e.org/?lang=eo — Marie-Noëlle Lienemann kaj Robert Phillipson :https://www.youtube.com/watch?v=2br... — Antoine de Maximy :https://esperanto-france.org/si-j-e...
28/3/2019 Mastroj kaj servistoj : diversaj aspektoj de iliaj rilatoj. (prelego).
5/4/2019 "La Tresse" : prezento de la libro "La Harplektaĵo", de L. Colombani.
13/4/2019 Esperanto en Afriko (prelego).

Kelkaj aliaj temoj por 2019 (la datoj estos deciditaj poste) : Aborto-rajto, virinaj rajtoj, afero Weinstein. Ludoj (inkluzive vortludoj) en Esperanto. Sarbakano (prelego). Alkemio, astrologio, transhumanismo, eksterteranoj, komplotoj... La movado de la Mondcivitanoj, Gary Davis. La projekto de Demokratia Mono. Kanzonoj en Esperanto. La klimato, naturaj katastrofoj, malaperoj de specioj. Eksiĝo de Britio (fine de Marto). Europe Démocratie Espéranto (baloto fine de Majo). Teknologioj, novaj kaj malnovaj : ĉu pli bone pasintece ? ĉu pli bone morgaŭ ? Célestin Freinet, Maria Montessori, instrumetodoj. Kiu estis Lanti. Esperanto en Afriko. Libroj : La Harplektaĵo, de L. Colombani ; La Unua Homo, de A. Camus.

Niaj Vendredaj vesperaj babilrondoj (vi estas bonvenata ekde 18h30) ne estas rendevuo de filozofoj, de politikistoj, de SAT-anoj ; simple kunestas homoj kun homoj. Ja, la anoncita temo ne ĉiufoje estas respektata, iuj parolas pli ol aliaj, iuj ne lertas per E-o, kaj ne nur akvo estas trinkata. Venu, ĉeestu ! Diru per la lingvo Esperanto, kiel vi vivas la vivon ; aŭskultu la aliulojn ; ĉio-tio valoras pli ol teorioj de Profesoroj !

Ni deziras pli da « etaj prelegoj » : plurfoje dum la antaŭa jaro unu amik(in)o prezentis temon, kiel : Interreta Esperanto-TV, SAT, framasonismo, eksterteranoj, vortarlibroj, merkatikaj teknikoj por varbi, parabolo de la kaverno, Ruseo kaj Voltero, Pirata Partio… Tiaj « prelegetoj » estis interesaj kaj la diskutoj riĉaj.

Se vi deziras « prelegeti », anoncu vian daton kaj temon (eblas esti libro, metio, vizito de ekspozicio, receptoj por kukoj, eĉ eblas esti vi…). Ne preparu prezentadon per komputilo ĉar ni ne havas grandan ekranon. Dank’al tiaj prelegetoj ni povus ankaŭ redakti artikolojn por La Sago. Ni ankaŭ povas rondumi per la sistemo jitsi en interreto : https://meet.jit.si/satamtam.




Articles :









 
SAT-Amikaro - 132-134, Boulevard Vincent-Auriol - 75013 Paris - 09.53.50.99.58
A propos de ce site | Espace rédacteurs