SAT AMIKARO

Iru okcidenten ĉe la gaŭloj !

2009-12-13T17:46:43Z

Ni estas en 78 post J-C (Jacques Chirac ). La tuta Gaŭlio estas okupata de
eŭropanoj parolantaj fuŝe la anglan.
Tuta Gaŭlio ? Ne, du vilaĝoj loĝataj
de nevenkeblaj bretonoj rezistas
ankoraŭ kaj ĉiam kontraŭ la potenco
de la fuŝangla lingvaĉo, kaj la vivo
ne estas facila por la adorantoj de la
makdonalda kulturaĉo….

Marde, post la SAT-Amikara kongreso,
ni proponas al vi iri kune okcidenten
por malkovri la belegan marbordon
konsistantan el rozkoloraj granitŝtonoj
sed ankaŭ veran gaŭlan vilaĝon kaj
veran esperantan vilaĝon…

Ekskursa plano :
– 9 :00 Foriro de San-Briego per
aŭtobuso
– 10 :00 : Malkovro de la duoninsulo
« Renote » en Tregastel ĉe la rozkolora
granitŝtona marbordo apud Perros-
Guirec
– 11 :30 : Vizitado de la gaŭla vilaĝo en
Pleumeur Bodou.
– 12 :00 : Gaŭla manĝaĵo en la ĉefkabano
de la vilaĝo. La bretona
magia supo estos eble trinkebla !
– 14 :00 : Veturado ĝis Pluezek tra
urbeto Treguier kaj kastelo « La roche
Jag »
– 16 :00 : Vizito de la muelejo Kraka en
Pluezek
– 16 :30 : Malkovro de la statuoj de
esperantistino Marie Eon
– 17 :00 : Manĝeto kun la urbestro de
Pluezek
– 18 :00 Aŭtobuse al San-Briego
(alveno ĉ. 19 :00)
– Prezo : 35 € (kun manĝo)

Ĉu vi konas Asterikson kaj Obelikson ?
Kompreneble Jes ! Tiuj amuzaj kaj
batalemaj gaŭloj estas konataj de ĉiuj.
Sed ĉu vi rigardis kie lokiĝas ilia eta
vilaĝo ? Spektu atente la mapon : estas ĉe
ni apud la Armorika marbordo…

Mia edzino Hélène kaj mi estas ankaŭ
veraj gaŭloj ekde 20 jaroj. Fakte, ni estas
de tiu tempo volontuloj en asocio kiu
nomiĝas « la gaŭla vilaĝo » kaj zorgas pri
tre bela sed nekonata gaŭla vilaĝo kreita
24 jarojn antaŭe.

Tiu loko estas turisma parko kie ĉiuj
familianoj de la tuta mondo ŝatas ludi
kune kaj malkovri samtempe la vivon de
niaj gaŭlaj prauloj. Sed estas ankaŭ asocio
kiu helpas ĉiujare pagi la instruistojn de
ĝangalaj lernejoj en Nord-Togolando.

Dum la SAT-amikara Kongreso Armor
2010, marde, ni plezure ĉiĉeronos vin
Okcidenten de nia departemento. Tie
estas la marbordo tre bela kun egaj
rozkoloraj ŝtonamasoj. Ni vizitos unue
piede la duoninsulon « ile Renote » en
Tregastel. Tiu natura loko estas mirinda
miksaĵo inter maro, rokoj kaj arboj. Kiam
oni pripensis lokon por nia gaŭla vilaĝo,
oni elektis unue lokon kiel tiu.

Sed poste, la vera elektita loko kie la vilaĝo
estis konstruita, estis Cosmopolis kion
ni vizitos tuj poste. En Pleumeur Bodou
lokiĝas la scienca parko Cosmopolis kie
oni povas spekti inter arboj strangan
blankan globegon « le radome » kiu ebligis
je la 1960a jaro televidumi tra-space kun
usonanoj. Nun tiu Globo estas historia
monumento sed ĝi estas por ni la bretonaj
gaŭloj bela luneto lokita en nia kamparo.
Oni nomas tiun globegon « Radum » rilate
al niaj maljunaj romiaj amikoj.

Do, apud tiu konata luneto lokiĝas nia
gaŭla vilaĝo kiun mi plezure montros
al vi. La vilaĝo estas belega kun lageto
kie anasoj kaj anseroj ĉiam banas sin. La
domoj estas argile konstruitaj kun kanaj
tegmentoj kiel la veraj gaŭlaj domoj
sed ankaŭ kiel la domoj de niaj afrikaj
amikoj en Togolando. Ĉiujare, ĉirkaŭ
60 000 vizitantoj partoprenas en la
diversaj proponataj agadoj kaj ebligas al
ni perlabori multan monon por helpi en
Afriko.

Ni tagmeze manĝos tie gaŭlan manĝaĵon
antaŭ ol veturi ĝis alia vilaĝo tre konata
de la esperanta mondo : Pluezek ! Tie
okazas bretona miraklo ekde 12 jaroj :
La internaciaj esperantaj renkontoj de
Pluezek kun pli ol 120 partoprenantoj
kiuj ĉiujare gustumas la veran ĉarmon
de bretona somero. Pluezek estas vilaĝo
apud Paimpol kie ni vizitos esperante
tre belan muelejon « Kraka » kun mirega
vidaĵo ĝis insuleto Brehat.

Tuj poste, ni
kune teumos en la ĝardeno de Marie Eon,
esperanta talenta skulptistino. Ne forgesu
vian fotilon ĉar tie vi povos foti belegajn
skulptaĵojn kaj eĉ veran bretonan « Ankou »
el la maro….

Esperanto estas ŝlosilo por gustumi
novan landon kaj lokon. Tion ni celas por
vi !

J.C. Dubois
marbordo ĉe gmail.com
Pluezekaj renkontoj - www.pluezekesperanto.net
Gaŭla vilaĝo - levillagegaulois.free.fr

Iru ekskursi orienten !

2009-12-13T17:33:02Z

Mardon la 6an de aprilo 2010 9h ĝis 17h
Kavaliroj, monaĥoj, ... kaj vi !

Sur la spuroj de la Mezepoko tra
Dinan kaj Léhon.

– 9 :00 foriro de San-Briego per
aŭtobuso
– 10 :00 Dinan
piedira [1]

vizito de la urbo
komentata esperante
ekstero de la mezepoka kastelo, remparoj kaj defendoturoj
la placo Bertrand du Guesclin,
franc-konestablo en la centjara
milito
la trabfakaj domoj en la
urbocentro kaj la horloĝturo
la placo Saint Sauveur kun la
preĝejo kaj ties historio
la angla ĝardeno kun belega
vido super la riveron Rance
la strato Jerzual, kiu kunligas la
urbon kun la haveneto

aŭtobuse al la manĝejo
– 12 :30 manĝo ĉe Les Pifaudais en
Quévert
– 14 :00 Léhon

la abatejo Saint Magloire fondita
en la 9-a jarcento
la kastelo de la 11-a jarcento
piedirado laŭ la rivero Rance (3
km) ĝis la haveneto de Dinan
(se necese, eblos iri aŭtobuse)
– 16 :00 aŭtobuse al San-Briego
(alveno ĉ. 17 :00)

– Prezo : 30 € (kun manĝo)
– Pli detale vidu « La Sago »-n N° 59

[1] Facila surpavima piedirado, sur ebena aŭ
malsuprendekliva.

Vizito de San-Briego

2009-12-13T17:20:08Z

Gvidata vizito de la Brikejo

2009-12-13T17:20:06Z

Malkovro de industria hereda posedaĵo kaj loka historio

Gvidata vizito de la Brikejo

Funde de la golfeto, staras ekomuzeo,
memorejo de la homoj de la golfeto de San-
Briego. Malkovru, kiel la loĝantoj sciis, dank'
al persista inĝenieco kaj kuraĝo, ekspluati
naturajn riĉaĵojn ofertajn de la golfeto, por
tie vivi kaj disvolvi prosperan ekonomion

– Rdv : Brikejo (Langueux les Grèves)
– Daŭro : 1h30/2h
– Dato : sabaton 3an de aprilo 2010, 14-16a
– Prezo : 8 €

Mitulbredado en la golfeto de San-Briego

2009-12-13T17:19:59Z

Aparta horaro 16 h (depende de la tajdo)

Eta promenado tra la golfeto kaj mitulfostoj
por ĉion kompreni pri mitulbredado. De
naskiĝo ĝis telero malkovru tiun metion
duon-agrikulturistan, duon-maristan.

Promenado de 3 ĝis 4 km tra la strando.

– Dato : sabaton 3an de aprilo 2010
– Horo :16-18a
– Prezo : 8 €
– (Antaŭvidi taŭgan vestaron)

Malkovro de nacia protektejo de San-Briego

2009-12-13T17:19:56Z

Klasita kiel kvina golfeto tra la mondo
pro amplitudo de ĝiaj tajdoj, la golfeto
de San-Briego enhavas, funde de la
golfeto, la plej vastan rezervejon de
Bretonio.

Riĉa je pli ol 40 000 birdoj vintre,
tiu protekta vastejo nepre estas
malkovrota.

Irvojoj estos proponitaj por kviete
malkovri grandiozajn riĉaĵojn de tiu
unika natura hereda posedaĵo.

Pado de la duoninsulo (sole farota)
Supre de la pado de la doganistoj,
malkovru la protektejon, irante de
anso al alia. Variemaj kaj kontrastaj
pejzaĝoj, faŭno, flaŭro kaj mitulpalisoj
intermiksiĝas.

– Piedmigrado de 4 ĝis 8 km
– daŭro : 3 h
– senpaga.
– (Antaŭvidi taŭgan veston)