SAT AMIKARO

Kio estas anarkiismo (libreto)

veroniko — 2018-10-27T16:09:35Z

Verkis hispanlingve Alfredo González

tradukis Miguel Fernández

formato : 10,5X15 cm ;

37 paĝoj hispanlingve + 33 paĝol en esperanto ;

Vendoprezo : 2€

eldonis ANTORCHA MADRIDO, 2018

Enhavo :
– Origino kaj disvolviĝo
– Karakterizaĵoj
– La anarkiisma agado
– Organiziĝo kaj programo
– Komplementaj tekstoj

Viktimoj

veroniko — 2018-10-26T15:31:12Z

Viktimoj

TAGORDO

veroniko — 2018-10-26T14:20:42Z

livero planita dum novembro ĉe la SAT-Amikara libroservo…

verkis : Eric Vuillard "L'ordre du jour" (la tagordo)

elfrancigo de Jean-Claude Roy.

150 paĝa ; formato 10X19cm, Prezo : 16€ ;

eldonita de "Z4 Eldonoj" ;

Tiu libro gajnis la plej prestiĝan literaturan premion en Francio en 2017, la premion "Goncourt". Pro la temo, la libro admirinde taŭgas por tiu traduko al Esperanto.

Dudek kvar ili estis, apud la mortaj arboj ĉe la riverbordo, dudek kvar nigraj, brunaj aŭ konjakkoloraj surtutoj, dudek kvar paroj da ŝultroj lanremburitaj, dudek kvar tripecaj kostumoj, kaj la sama nombro da pantalonoj kun pinĉofaldoj kaj larĝa orlo. La ombroj penetris en la grandan vestiblon de la palaco de la Asemblea prezidento ; sed baldaŭ ne plu ekzistos Asembleo, ne plu ekzistos prezidento, kaj, post kelkaj jaroj, eĉ ne plu ekzistos Parlamento, nur amaso da fumantaj ruinoj.

La eksperimento

veroniko — 2018-06-15T19:24:11Z

verkis : Eric Lee, Tradukita el la angla de Renato Corsetti k.a.

246 paĝa, formato : 140X216mm, Prezo : 13€

ISBN 978-2-36960-117-3, eldonita de Monda Asembleo Socia (MAS) 2018

Eric Lee estas jurnalisto kaj historiisto kiu pasigis pli ol tridek jarojn esplorante la sendependan Kartvelujon kaj li estis aktiva en sindikataj kaj politikaj bataloj kaj en Usono kaj en Britujo.

...........

Recenzo de la libro de Eric Lee, "La eksperimento. La forgesita revolucio de Kartvelujo 1918-1921" fare de Nikolao Gudskov :

Kartvelio 1918-21 kiel nova mito pri "ora epoko”
La libro de Eric Lee "La eksperimento. La forgesita revolucio de Kartvelujo 1918-1921” traktas kelkajn diversgrade forgesitajn historiajn eventojn el la epokoj de la 1-a kaj 2-a Rusaj revolucioj. La centro de la libro estas dediĉita al la memstara Kartvela popola respubliko dum la 2-a Rusa revolucio, kiun la aŭtoro opinias la plej aŭtentika ekzemplo de demokratia socialismo dum la tuta homara historio. Pri tio ni parolu pli detale, sed multe pli forgesita nuntempe estas alia epizodo, kiun la aŭtoro konsideras provludo al la ĉefaj eventoj – Guria respubliko, t.e. teritorio de popola memregado en unu distrikto de Kartvelio dum la 1-a Rusa revolucio.

Eblas legi pli http://mas-eo.org/spip.php?article631 de Nikolao Gudskov.

La Nebulozo de Andromedo

veroniko — 2018-05-04T15:36:11Z

Fama scienc-fikcia romano verkita en la 1950aj jaroj de aŭtoro kiun oni konsideras la patro de la scienc-fikcia ĝenro en Rusio.
Aŭtoro Ivan Efremov
ISBN/ISSN 9782918300243
Formato 403 paĝoj, 21 cm
Prezo 23.10€
Eldonloko, jaro Embres-et-Castelmaure, 2010
Eldoninto MAS
Elrusigis J. Finkel

- Novaĵoj 2018

Aliroj al Esperanto

veroniko — 2018-02-28T20:43:10Z

Ĉefredaktoro : Christer Kiselman, Kunredaktoroj : Renato Corsetti, Probal Dasgupta

230 paĝoj, formato : 15,5 x 23,5 cm, broŝurita, Prezo : 16,50€

ISBN 978-80-87169-86-5, eldonis Kava-pech.cz

Almanaĥo redaktita de tri spertaj esperantologoj Christer Kiselman, Renato Corsetti kaj Probal Dasgupta pritraktas diversajn alpaŝojn al la fenomeno Esperanto el la plumo de renomaj fakuloj.

ENHAVO :

Christer Oscar Kiselman : Antaŭparolo

Javier Alcalde : Pacisma aliro

Detlev Blanke : Interlingvistika aliro

Pri Esperantologio / Esperanto Studies

Cyril Brosch : Jurscienca aliro

Probal Dasgupta : Du problemoj en la sintakso de Esperanto

Pri Akademio de Esperanto

Sabine Fiedler : Esperanto el frazeologia vidpunkto

Federico Gobbo : Malantaŭ la kurteno : Esperanto kiel lingvoinventaĵo

Kimura Goro Christoph : Lingvoideologia aliro : Ĉu Esperanto vere havas “internan ideon” ?

Ilona Koutny : Tipologia karakterizo de esperanto kiel natura lingvo

Haitao Liu : Kvantaj aliroj

Carlo Minnaja : Aliro tra la literaturo

Hiroshi Nagata kaj Renato Corsetti : Rezigno pri libereco ne ĉie kaj ne ĉiam : la vortordo en Esperanto

Orlando E. Raola : Hedonisma aliro

Giorgio Silfer : La du epistoloj de Odeso

Humphrey Tonkin : Historia aliro

La eta muso en Bretonio

veroniko — 2018-02-28T20:41:38Z

verkis : François-Xavier Poulain, bildoj : Olivier Bailly, elfrancigis Michel Dechy

Formato : 15 x 21 cm, bindita Prezo : 8,90€

ISBN 979-10-95684-00-8 eldonis rosebois.fr 2017

En Francio kaj en multaj aliaj landoj, kiam infano perdas laktodenton, li/ŝi ŝovas ĝin sub sian kapkusenon, por ke en la nokto la Eta Muso venu, forprenu ĝin kaj kompensu per monero aŭ donaco kaj ĉefe per multaj belaj sonĝoj.

La Eta Muso vojaĝas tra la mondo por interŝanĝi la laktodentojn perditajn de la infanoj. Multaj aventuroj okazas dum tiuj vojaĝoj. Tamen ŝi ĉiam elturniĝas dank' al ruzo, kuraĝo kaj bonhumoro.

Ek al Bretonio, Eta Muso ! La filino de lumturgardisto ĵus perdis sian unuan laktodenton. Adam' kaj Lali' malkovros la belecon de la bretonaj marbordoj kaj kolektos mirindajn memoraĵojn. Tamen ili devos ankaŭ elteni tempeston kaj fronti kelkajn neatenditaĵojn.

La ŝtono de la amo

veroniko — 2018-02-28T18:06:16Z

Autor : Sali Bashota, Traduko el la albana : Bardhyl Selimi

ISBN 978-80-87169-85-8

395 paĝa, formato 14X20cm

19.50€

Poezio kaj poezia prozo de unu el la plej elstaraj vivantaj poetoj de Kosovo, kiu en siaj verkoj respeguligas malĝojon, doloron kaj senesperon de albanoj en Kosovo, sed ankaŭ amon, revon kaj esperon je nacia revekiĝo.

Sali Bashota, profesoro de filologio, poeto kaj a prozisto, mem spertis perforton praktikitan al la albana popolo en la tragika tempo de la lasta milito en Kosovo dum la jaroj 1997-1999, kiam en aŭgusto 1998 ankaŭ lia domo estis krimbruligita. Dume forbrulis ankaŭ ĉiuj liaj manuskriptoj.

En sia verko plena de metaforoj kaj de arta prilaboro de la plej nova historio li ofte revenas ankaŭ al eventoj de pratempa historio kaj al mitologio.

Francisko Valdomiro Lorenz Atesto pri la vivo kaj verko de eksterordinara homo

veroniko — 2018-02-28T17:24:19Z

Aŭtoro : Vlastimil Novobilský, Tradukis : Margit Turková

159 paĝoj, 14 x 20 cm, broŝurita, prezo : 13,50€

ISBN 978-80-87169-80-3 eldonis Kava-pech.cz

F. V. Lorenz (1872-1957) estas ne nur aŭtoro de la unua lernolibro de Esperanto en la ĉeĥa, kiun li eldonis jam en la jaro 1890, sed konata lingvisto, poligloto kaj pedagogo, sed ankaŭ naturkuracisto kaj por spiritistoj grava mediumo,

Li naskiĝis en Ĉeĥio kaj de infaneco li mirigis la ĉirkaŭaĵon pro sia talento pri lingvoj. Krom la studado de fremdaj lingvoj, inkluzive de Volapuko kaj Esperanto, li dediĉis sin al politika kaj agita socialdemokrana agado, i.a. kiel redaktoro de partiaj gazetoj. Pro tio minacis al li malliberiĝo kaj trijara soldatservo en la aŭstria-hungaria armeo. Por eviti tion li elmigris en Brazilon kie li poste vivis ĝis la fino de sia vivo.

La libro priskribas lian malfacilan, sed tre interesan vivon, komence kiel ormineja ministo, poste agrikulturisto, instruisto, naturkuracisto, sed dume diligenta verkisto en kaj tradukinto el multraj lingvoj. Inter liaj verkoj troviĝas ankaŭ lernolibroj de diversaj lingvoj, vortaroj, tradukoj de gravaj spiritualaj verkoj, ktp.

Lorenz estis poligloto kiu laŭ atestantoj scipovis 104 lingvojn inkluzive de pluraj indianaj, por kiuj li veris gramatikojn. En la libro estas prezentita ne nur la vivo de Lorenz, sed grandan parton okupas ankaŭ priskribo de lia verkaro.